Jóna Björg Sætran býður upp á markþjálfun á netinu og í Reykjavík Ýmis námskeið einnig í boði í tengslum við markþjálfun.

Á námskeiðinu „Blómstraðu laus við kvíða!“ hitti ég, Jóna Björg, þátttakendur eitt kvöld í viku á netfundi í 1 – 1,5 klst. og við vinnum með námsefni vikunnar.
Að þessum 6 vikum loknum er 3ja vikna eftirfylgni ýmist í formi netpóstasamskipta eða í örsamtölum á netinu. Tilgangurinn með eftirfylgninni er að aðstoða þátttakendur sem allra best við að tileinka sér enn betur þá efnisþætti sem þeir vilja af því sem unnið var með á 6 vikna námskeiðinu.
Þetta er þannig í raun 9 vikna samvinna.

Námsefni hverrar viku er sent til þín fyrir vikubyrjun ásamt vinnubók sem þú getur prentað út.
Eitt kvöld í viku er kennsla á netinu, 1 – 1,5 klst., þar sem þátttakendur vinna hluta af verkefnunum og vinna síðan áfram með efnið út frá sínum persónulegu aðstæðum.
Hver þátttakandi fær tvo 60 mín. einkatíma í markþjálfun auk örsamtala í eftirfylgninni.

Segja má að ég fylgi þér í gegnum allt námskeiðið.

Einkanámskeið eru líka í boði, upplýs. jona@namstaekni.is

Á þessum 6 vikum er farið í gegnum ákveðið ferli þar sem unnið er að því að;

efla sjálfstraust þitt, eldmóðinn og sjálfsmatið, samskipta- og félagsfærni,
skilja betur áhrif hugsana á tilfinningar og líðan
skilja áhrif tilfinninga á það hvernig við bregðumst við í erfiðum aðstæðum
vinna að markmiðum þínum og kveðja frestunaráráttuna
skilja hvað getur komið kvíða af stað og hvernig er hægt að draga úr kvíða, jafnvel yfirvinna hann
efla þig í að fara út fyrir þægindahringinn og skapa þér nýjar venjur
forðast kulnun
uppgötva nýja möguleika og byggja upp framtíðarsýn
auka vellíðan, innri ró og gleði
o.fl.

Jóna Björg styður við þátttakendur alla leið í gegnum námskeiðið!

Hver hefur gagn af námskeiðinu "Blómstraðu laus við kvíða"?

Viltu breyta einhverju í lífi þínu til betri vegar?
Viltu njóta þín betur í einkalífi og starfi? Viltu njóta þess betur að vera þú!?
Viltu gera gott enn betra?

Ef svo er þá ættir þú að geta haft heilmikið gagn af þessu námskeiði.

Lífið er allskonar. Það gerist margt ófyrirséð á lífsleiðinni, við fáum ótal verkefni í fangið og stundum verðum við bara smá þreyttar.

Það getur reynst okkur vel að gefa okkur sjálfum þá gjöf að fara í smá sjálfsskoðun, hressa upp á sjálfsímyndina, sjálfstraustið, eldmóðinn og kraftinn til spennandi framkvæmda, eitthvað sem þú finnur að mætti bæta og efla.

Þegar við viljum vera yfirvegaðar í framkomu og allri ákvarðanatöku, þá verðum við að geta haft stjórn á áreitinu í kringum okkur. Áreitið, sem oft er óhjákvæmilegt, getur svo auðveldlega komið okkur úr góðu jafnvægi.

Það er slæmt ef slíkt gerist einmitt þegar við þurfum að hafa skýra hugsun og ná að finna skapandi og gefandi lausnir á verkefnum sem við fáum óvænt í fangið.

Væri ekki frábært að geta frekar blómstrað í möguleikavíddinni? Njóta þess að vera þú? Rækta hæfileika þína og njóta þess að takast á við ný verkefni með eldmóði, finna nýjar og skapandi lausnir.

Möguleikarnir í kringum þig eru svo ótal margir.

Ef þú ert haldin miklum og nær stöðugum kvíða, þunglyndi eða depurð ...

Ef þú upplifir oft mjög slæm kvíðaköst, ert haldin nær stöðugum miklum kvíða, upplifir mikið þunglyndi eða depurð, þá vil ég biðja þig endilega að hafa samband við lækni, sálfræðing eða geðlækni. Ekki ætla að gera það bara seinna. Farðu á heilsugæsluna þína og fáðu aðstoð.
Stundum er nauðsynlegt að fá kvíðastillandi lyf og þá er algjörlega nauðsynlegt að fá þau hjá lækni sem leiðbeinir um rétta notkun.

Ekki hika við að biðja lækna um hjálp þegar þess er þörf. Kvíði er ekkert til að skammast sín fyrir.

Það er alltaf hægt að fá aðstoð, en þú verður að láta vita að þú þurfir aðstoð og að þú viljir þiggja hana.

Jóna Björg Sætran, M.Ed., PCC, "kvíðaleysis markþjálfinn!"

Eftir að hafa hjálpað svo mörgum skjólstæðingum sinna við að skilja betur áhrif hugsana á andlega og líkamlega líðan og hvernig sé hægt að greiða úr hugsanaflækjum og þar með líka yfirstíga áhyggjur og margan kvíða, fékk Jóna Björg „viðurnefnið“ „the anxietyfree coach„, þ.e. markþjálfinn sem getur hjálpað þér við að láta kvíðann þinn hætta að hafa áhrif á þig. Slík vanlíðan þarf ekki að hamla þér lengur. Líf þitt er núna, það er mikilvægt að nýta vel hvern einasta dag.

Þú átt skilið að fá að blómstra og njóta þess að vera þú sjálf.

Þegar þér líður vel og ert glöð, þá áttu auðveldara en annars með að dreifa gleði í kringum þig og að vera til staðar fyrir þá sem þér þykir vænst um.

Árangur þinn fer að miklu leyti eftir því hversu virk þú ert á námskeiðinu.

Jóna Björg er sannfærð um að ef þú tekur virkan þátt í námskeiðinu hennar, „Blómstraðu laus við kvíða“, allar 6 vikurnar og nýtir þér vikulega kennsluefnið, kennslutímana, markþjálfunina, eftirfylgnina og annað það sem boðið er uppá á námskeiðinu þá munir þú geta sagt í lok námskeiðsins, að þú hafir þú eignast hóp öflugra og virkra verkfæra sem þú getur nýtt þér til að efla þig og styrkja til frambúðar.

Ætlaðu þér að lágmarki ca 20 – 40 mín. í daglega markvissa og hnitmiðaða vinnu með efni námskeiðsins.

Gefðu þér tíma fyrir þig! Þú veist að þú átt það skilið!

Þegar þú ert virk allar 6 vikurnar á námskeiðinu; "Blómstraðu laus við kvíða", þá er Jóna Björg sannfærð um að það hjálpi þér til að ....

efla sjálfstraustið, sjálfsvirðinguna og sjálfsálitið
gera gildin þín sýnilegri í daglegu lífi þínu
setja þér markmið
efla samskiptafærni þína
skilja kvíðatilfinningarnar þínar betur
skynja hvað kveikir á kvíðanum
fara út fyrir þægindahringinn þinn þegar þörf krefur
meta hvað það er sem skiptir þig máli
nýta tímann betur
endurheimta persónulegan kraft þinn
standa af þér erfiðar stundir
vinna gegn kulnun
finna og viðhalda jafnvægi milli vinnu og einkalífs
æfa lausnamiðaða og skapandi hugsun
finna fleiri leiðir til að njóta með fólkinu þínu.

Er eftir nokkru að bíða lengur? Fjárfestu í sjálfri þér, þú skiptir máli. Náðu að efla þig og styrkja. Hættu að leyfa áhyggjum og kvíða að ráða för. Ertu ekki búin að fá nóg af frestunaráráttunni? Rót frestunaráráttu er oftar en ekki kvíði.

Hvað er þér mikilvægast núna?

Þarftu að ná meiri yfirvegun, hætta að forðast að gera ákveðna hluti?
Viltu geta farið með reisn í gegnum erfiðar aðstæður, full sjálfstrausts?
Þarftu að ná að taka mikilvægar ákvarðanir sem skipta ekki bara miklu máli fyrir þig sjálfa – heldur geta haft afdrifaríkar afleiðingar fyrir aðra, hvort heldur sem er í vinnunni eða heima fyrir?
Viltu vinna að ákveðnum markmiðum til að móta stefnu sem væri lausnamiðuð og þér og þínum til heilla?

Þú getur farið þína leið til að efla þig í starfi og leik og í öllu því sem þú þarft eða vilt taka þér fyrir hendur.

Markþjálfun er 100% trúnaðarvinna á milli þín og markþjálfans.

Mig langar að fara í gegnum námskeiðið - eru einhver þátttökuskilyrði?
Svar: Nei, ekki önnur en þau að hafa lesið vel kynningarnar á námskeiðinu og fundið að þú átt erindi á námskeiðið. Þá getur þú skráð þig og gengið frá greiðslu námskeiðsgjaldsins.

"Blómstraðu, laus við kvíða!" er 6 vikna námskeið á netinu ásamt 3ja vikna eftirfylgni.

Námskeiðið fer fram á netinu – þannig að þú getur tekið þátt hvar sem þú ert stödd á Íslandi, já eða erlendis.
Námskeiðsgögn eru send í upphafi hverrar viku, 4 – 6 örtextar sem fjalla um ákveðin grunnþemu ásamt verkefnum.
Í hverri viku 60 – 90 mín. hópkennsla kl. 20 – 21:00/21:30 að ísl. tíma. Þar fjallar Jóna Björg um efni vikunnar og þátttakendur vinna hluta af verkefnunum. Kennt í um 60 mín. og síðan er tími fyrir spurningar/svör og einnig boðið upp á að skoða einstaka kvíðaefni frá þátttakanda sem þess óskar („hot seat„) og nýtist þá líka öllum hinum í hópnum.
Þátttakendur nýta síðan efnið og verkefnin út frá eigin persónulegum aðstæðum.
Tveir 60 mín. 1:1 markþjálfunartímar (PCC /MCC markþjálfun).
Frjálst að senda fyrirspurnir í netpósti varðandi efni námskeiðsins á meðan að á námskeiðinu stendur.
Mörg starfsmannafélög og stéttarfélög veita fólki sínu fjárhagslegan stuðning til að sækja ýmis konar námskeið. Kannaðu hvort þú getir nýtt þér slíkan stuðning.

Hér er um að ræða vandað og faglegt námskeið.
Fjárfesting fyrir þátttöku í námskeiðinu er ISK 139.000.-

Blómstraðu